Qafqaz Müsəlmanları İdarəsinin növbəti layihəsi isə Silahlı Qüvvələrin əsgərləri üçün “Qurani-Kərim”in ərəb dilində miniatür nəşrinin çap edilməsidir Qafqaz Müsəlmanları İdarəsində (QMİ) “Qurani-Kərimin” AMEA-nın akademikləri Ziya Bünyadov və Vasim Məmmədəliyevin Azərbaycan dilinə tərcüməsinin yeni nəşrinin, habelə daha iki kitabın – “Yasini-Şərif” və “Sevimli peyğəmbərimizin həyat nümunələri və hədisləri” kitablarının təqdimatı olub.
QMİ-nin Elmi-Dini Şurasının üzvü, akademik Vasim Məmmədəliyev, bu kitabların nəşrinin ölkəmizdə əlamətdar hadisə olduğunu deyib. QMİ-nin sıx əməkdaşlıq əlaqələri olduğu Türkiyənin “Qismət” nəşriyyatının Bakı bölməsi tərəfindən nəşr edilən kitablar Ankarada çap olunub.
Bu, “Qurani-Kərimin” Azərbaycanda dilində (ərəb dilində mətn olmadan) 11-ci nəşridir. Nəşrdə surələrin izahlarına da yer verilib.
Qafqaz Müsəlmanları İdarəsinin növbəti layihəsi isə Silahlı Qüvvələrin əsgərləri üçün “Qurani-Kərim”in ərəb dilində miniatür nəşrinin çap edilməsidir.