Avro-2012-nin seçmə mərhələsi çərçivəsində sentyabrın 7-də keçiriləcək Almaniya - Azərbaycan oyununu yayımlayan telekanalların sayı artıb.

Apasport.az saytının məlumatına görə, Kölndə baş tutacaq görüş 12 televiziya kanalı vasitəsilə canlı yayımlanacaq.

Belə ki, ARD Daa Herte (Almaniya), ESPN (ABŞ), Sportklub (Xorvatiya), Sport 2 (Macarıstan), NTV+ (Rusiya), Sport 1 (Rumıniya), Sport+1 (Əlcəzair), TV2 Sport (Danimarka), Sky Calsio (İtaliya) kimi kanalların siyahısına Yes Sport 1, SuperSport 5 kimi nəhəng TV-lər də qoşulub. Bununla da yığmamızın oyunu 11 müxtəlif ölkədə yayımlanacaq. Ölkə futbolsevərləri oyunu Azərbaycanda AzTV və “İdman Azərbaycan” kanalı vasitəsilə izləyə bilərlər.

Qeyd edək ki, Almaniya - Azərbaycan oyunu Bakı vaxtı ilə saat 23:45-də başlayacaq.