Ali məktəblərə qəbul olunan tələbələrin qeydiyyatdan keçmə müddəti iki gün uzadılıb.Onlara qəbul olduqları təhsil müəssisəsindən qeydiyyatdan keçmək üçün daha 2 gün vaxt verildi.

Tələbə Qəbulu üzrə Dövlət Komissiyası ali təhsili müəssisələrinə əsas yerləşdirmə zamanı qəbul olunan tələbələrin daxil olduqları təhsil müəssisəsində qeydiyyatdan keçmə müddətini iki gün uzadıb.

Belə ki, ali təhsil müəssisələrinə qəbul olanlar 20 avqust 2010-cu il saat 18:00-dək sənədlərini daxil olduqları təhsil müəssisəsinə təqdim etməklə qeydiyyatdan keçməlidirlər.

Komissiyanın mətbuat xidmətinin rəhbəri Elnur Nağızadə APA-ya bildirib ki, həmin tələbələr üçün avqustun 9-dan başlayan qeydiyyat müddəti bu gün basa çatmalı idi. Amma TQDK bu prosesin müddətini avqustun 20-si saat 18.00-dək uzadıb. Səbəb isə hələ də bəzi abituriyentlərin qeydiyyatdan keçməməsidir.

E. Nağızadə deyib ki, indiyədək ali təhsili müəssisələrinə əsas yerləşdirmə zamanı qəbul olunan tələbələrin yalnız 98%-i qeydiyyatdan keçib. Qeyd olunan müddətdə qeydiyyatdan keçməmək həmin şəxsin müvafiq ixtisasa yerləşdirilməsindən imtina etməsi kimi qiymətləndiriləcək və onun qəbul haqqında əmri tədris müəssisəsinə göndərilməyəcək.

Qeyd edək ki, ki, ali məktəblərə qəbul olunmuş abituriyentlərin daxil olduqları təhsil müəssisələrində qeydiyyatı bu gün başa çatmalı idi. Ancaq TQDK bir çox abituriyentlərin hələ də qeydiyyatdan keçmədiyini nəzərə alaraq, vaxtı uzatmaq barədə qərar qəbul edib.