Məleykə Abbaszadə: “50 dərəcədən yuxarı isti olsa...”

Ali məktəblərə qəbul imtahanlarının vaxtının dəyişdirilməsi ehtimalı çox azdır

“Ölkə ərazisində hava şəraiti həddindən artıq isti olarsa, ali məktəblərə qəbul imtahanlarının əvvəlcədən elan olunmuş vaxtı dəyişdirilə bilər”. Lent.az-ın məlumatına görə, Tələbə Qəbulu üzrə Dövlət Komissiyasının sədri Məleykə Abbaszadə jurnalistlərin suallarına cavab olaraq, belə deyib.

M.Abbaszadə bildirib ki, havaların isti keçməsi ilə əlaqədar ali məktəblərə qəbul imtahanlarının vaxtının dəyişdirilməsi ehtimalı çox azdır: “Ölkədə istilər 50 və daha yuxarı dərəcədə olarsa və hökumət müəssisələrin bağlanmasına qərar verərsə, yalnız bu halda ali məktəblərə qəbul imtahanlarının vaxtının dəyişdirilməsindən söhbət gedə bilər”.