Başlıq » 2010 » Sentyabr » 19 » Ali məktəblər paytaxtın mərkəzindən kənar ərazilərə köçürüləcək
Ali məktəblər paytaxtın mərkəzindən kənar ərazilərə köçürüləcək
19:04
Misir Mərdanov prosesin vaxtını açıqlamayıb
Paytaxtın mərkəzində yerləşən ali təhsil ocaqları tədricən kənar ərazilərə köçürüləcək. Təhsil naziri Misir Mərdanov bununla bağlı ilkin hazırlıq işlərinin görüldüyünü deyib. Nazir köçürmə prosesinə nə vaxt başlanacağını açıqlamasa da, konret ali məktəblərin adlarını çəkib.
Nazirin sözlərinə görə, Azərbaycan Dövlət Neft Akademiyası və Azərbaycan Pedaqoji Universitetinin inzibati binaları şəhərin mərkəzindən bir qədər kənara köçürülməlidir. O, bunun paytaxt mərkəzində sıxlığın aradan qaldırılması və təhsilin inkişaf etdirilməsi üçün vacib olduğunu qeyd edib.
Təhsil nazir Bakı Dövlət Universitetinin köçürülməsinə də aydınlıq gətirib. M. Mərdanov qeyd edib ki, BDU-nın binası şəhərin mərkəzində olmadığından onun köçürülməsinə ehtiyac yoxdur.