Təhsil Nazirliyində xüsusi komissiya yaradılıb

Azərbaycan Beynəlxalq Universitetinin (ABU) tələbələrinin köçürüləcəyi özəl ali məktəblər müəyyənləşib. APA-nın məlumatına görə, bu barədə təhsil naziri Misir Mərdanov bildirib.

Nazir qeyd edib ki, ABU-nun tələbələrin köçürülməsi və məzunlarına diplomların verilməsi üçün Təhsil Nazirliyində xüsusi komissiya yaradılıb. M. Mərdanov ABU-ya qanuni yolla daxil olan və bitirən məzunlara diplomlarının Təhsil Nazirliyi tərəfindən veriləcəyini söyləyib. Nazir ABU-nun fəaliyyətinin dayandırılmasında başqa amillərin olmadığını, məktəbin bağlanmasına yalnız universitetin özünün səbəb olduğunu açıqlayıb.

O, bu il fəaliyyəti dayandırılan Moskva Dövlət Açıq Universitetinin Bakı filialının tələbələrinin digər özəl ali məktəblərə köçürüldüyünü də qeyd edib.