2010-cu ilin sonuna kimi respublikanın 1000-ə yaxın ümumtəhsil müəssisəsi Azərbaycan Təhsil Şəbəkəsinə (Azedunet) qoşulacaq. Lent.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, hazırda “Azedunet” ölkə ərazisi boyu 600-dən çox tədris müəssisəsini əhatə edir. Daha 7 şəhərin- Şəmkir, Ucar, Goranboy, Naftalan, Tovuz, Qazax və Ağstafanın tədris ocaqlarının şəbəkəyə qoşulması istiqamətində işlər görülür. İlin sonuna kimi isə Bərdə, Tərtər, Ağcabədi, Beyləqan, İmişli, Saatlı, Ağsu, Ağdaş, KÜrdəmir və Biəsuvarın ümumtəhsil müəssisələrinin “Azedunet”ə qoşulması təmin ediləcək
|