Başlıq » 2010 » Oktyabr » 14 » Gələn ildən Azərbaycandakı bütün ali məktəblərin kredit sisteminə tam keçməsi məcburiləşdiriləcək
Gələn ildən Azərbaycandakı bütün ali məktəblərin kredit sisteminə tam keçməsi məcburiləşdiriləcək
18:10
Azərbaycandakı bütün ali məktəblər 2011-ci ilin sentyabrından tam olaraq kredit sisteminə keçəcəklər.
Təhsil Nazirliyinin Ali və Orta İxtisas Təhsili Şöbəsinin müdiri İlham Mustafayev APA-ya bildirib ki, hazırda bununla bağlı ciddi işlər aparılır. Onun sözlərinə görə, 2009-cu ildə qüvvəyə minən “Təhsil haqqında” qanunda da ali məktəblərdə tədrisin kredit sistemi əsasında keçirilməsini zəruri olduğu göstərilib.
Şöbə müdiri deyib ki, hazırda ölkədəki ali məktəblərin hamısında kredit sistemi tətbiq olunur. Onların çoxu bu sistemə tam, bir neçəsi isə yalnız müəyyən ixtisaslar üzrə keçib. İ. Mustafayev əlavə edib ki, kredit sistemin tətbiqinə ali məktəblərdə könüllük prinsipi əsasında başlanılıb: “Biz buna eksperiment kimi başladıq. Nazirlik bu işə başlayarkən məktəblərə səlahiyyət verdi ki, özlərini bu sistemə hazır hesab etdikləri zaman münasib bildikləri formada və həcmdə bu işə başlasınlar. Məsələn, Bakı Dövlət Universiteti əvvəlcə iki ixtisasda, daha sonra isə bütün məktəbdə kredit sisteminə keçdi. Azərbaycan Dövlət Neft Akademiyası da bu il bütövlükdə kredit sisteminə keçib. İncəsənət istiqaməti üzrə olan məktəblər isə bu prosesə gec başlayıb. Amma məcburiyyətdir, bütün ali məktəblər kredit sisteminə keçəcək”.