Azərbaycan prezidenti təbii fəlakət zonasında müşavirə keçirdi - 11 Мая 2010 - wWw.TTIO.MoY.Su =>ADPU-Menecment ixtisasi Başlıq
 
Başlıq
Sayt Menyusu

Xeber Kataloqu
Tehsil [412]
Tehsil haqqinda xeberler.
Bolgeler [62]
Azerbaycanimiz
Muxtelif [253]
Aforizimler,Kelamlar,Hekayeler.
TTIO-Haqqinda [19]
Fakultemiz haqqinda melumatlar
ADPU-TGT [30]
Telebe GEncler Teşkilatı
Idman [132]
Idman xeberleri
Din ve Muzakireler [62]
Islam ve Dunya

Mini Çat
200

Sorğumuz
Kursunuz?
Всего ответов: 2535

Başlıq » 2010 » May » 11 » Azərbaycan prezidenti təbii fəlakət zonasında müşavirə keçirdi
Azərbaycan prezidenti təbii fəlakət zonasında müşavirə keçirdi
00:00

Prezident İlham Əliyev sahilbərkitmə və bəndvurma işlərinin sürətləndirilməsi ilə bağlı tapşırıqlar verib

Azərbaycan prezidenti İlham Əliyev mayın 11-də Şirvan şəhərində Kür çayında daşqınlardan zərər çəkərək çadır düşərgəsində müvəqqəti məskunlaşan Sabirabad sakinləri ilə görüşüb və təbii fəlakətlə bağlı səyyar müşavirə keçirib.

APA-nın məlumatına görə, çadır düşərgəsi ilə tanışlıq zamanı dövlət başçısına burada görülən işlər haqqında məlumat verilib. Bildirilib ki, əhali ərzaq, içməli su və digər zəruri məhsullarla tam təmin olunub, bu məqsədlə yaradılan anbarlarda kifayət qədər ərzaq ehtiyatı var.

Prezident çadır düşərgəsində müvəqqəti məskunlaşan sakinlərlə görüşüb, onların problemləri ilə maraqlanıb. Sakinlər onlarla görüşə gəldiyinə, problemlərlə yerindəcə tanış olduğuna görə dövlət başçısına minnətdarlıq ediblər. Bildirilib ki, burada onlara hər cür qayğı göstərilir.

Prezident daşqından zərər çəkənlərin bütün problemlərinin həllinin bundan sonra da diqqətdə saxlanılacağını deyib. Dövlət başçısı bildirib ki, təbii fəlakətin nəticələrinin aradan qaldırılması, zərərçəkənlərin məişət problemlərinin həlli daim onun diqqət mərkəzindədir. Bu məsələlərin həlli üçün artıq lazımi tapşırıqlar verilib, onların icrası nəzarətdədir. Çadır düşərgəsində insanlara hərtərəfli tibbi xidmət də göstərilir.
Prezident tibb məntəqəsində yaradılan şəraitlə tanış olub. Məruzə olunub ki, burada epidemioloji vəziyyətə də ciddi nəzarət olunur.

Dövlətimizin başçısı çadırlardakı şəraitlə tanış olub.

Qeyd olunub ki, Şirvan şəhərində Kür çayında daşqınlardan zərər çəkən Sabirabad sakinlərinin müvəqqəti məskunlaşdığı çadır düşərgəsində 1500 nəfərə qədər insan yerləşdirilib. Burada qurulan 176 çadıra Sabirabadın 9 kəndinin, əsasən Dadaşbəyli və Qaragünə kəndlərinin sakinləri köçürülüb, zərərçəkənlərin dəqiq qeydiyyatı aparılıb.

Sonra Prezident İlham Əliyevin sədrliyi ilə səyyar müşavirə keçirilib.

Dövlət başçısı bildirib ki, Azərbaycanda baş verən təbii fəlakət zamanı itkilərin minimuma endirilməsi yalnız görülən qabaqlayıcı tədbirlər sayəsində mümkün olub. “Təbii fəlakətin fəsadlarının aradan qaldırılması üçün verilən tapşırıqlara uyğun olaraq vahid komanda halında tədbirlər görülür” deyən prezident sahilbərkitmə və bəndvurma işlərinin sürətləndirilməsi ilə bağlı tapşırıqlar verib, su altında qalan və əhalisi köçürülən kəndlərin hərtərəfli diqqətdə saxlanılması üçün tədbirlərin daha da gücləndirilməsini tapşırıb.

Baş nazirin müavini Abid Şərifov, fövqəladə hallar naziri Kəmaləddin Heydərov, “Meliorasiya və Su Təsərrüfatı” ASC-nin sədri Əhməd Əhmədzadə, daxili işlər naziri Ramil Usubov, təhsil naziri Misir Mərdanov, səhiyyə naziri Oqtay Şirəliyev, “Azərenerji” ASC-nin prezidenti Etibar Pirverdiyev və Sabirabad rayon İcra hakimiyyətinin başçısı Heydər Abbasov təbii fəlakətlə bağlı vəziyyət barədə məlumat veriblər.

Daha sonra prezident İ. Əliyevə bildirilib ki, indiyədək Kür çayında suyun sərfi saniyədə 1800-1900 kubmetri üstələməyib. Amma təbii fəlakət baş verən günlərdə bu göstərici 2400 kubmetrə çatıb. Hazırda Sabirabadın Mürsəlli kəndində dağılan bəndin bərpa işləri aparılır.
Müşavirəyə yekun vuran prezident bir daha görülən tədbirlərin sürətləndirilməsi, zərərçəkən əhalinin qayğılarına həssas yanaşılması, onların sosial problemlərin vaxtında həll olunması ilə bağlı tapşırıqlarını verib.

Kateqoriya: Bolgeler | Baxılıb: 809 | Elave eden: ANAR_PUSU | Reytinq: 0.0/0 |
Ümumi şerh: 0
Ancaq qeydiyyatdan keçmiş istifadeçiler şerh yaza biler
[ Qeydiyyat | Sayta Giriş ]
Sayta daxil Ol

Xeber Arxivi
«  May 2010  »
ПнВтСрЧтПтСбВс
     12
3456789
10111213141516
17181920212223
24252627282930
31

Axtarış

Dost saytlar

Statistika

online 1
Qonaqlar 1
Istifadeciler 0


Design by Kamal Zeynallı © 2016